Темы фестиваля

Біздер қызыға білу және зерттеуге құмарлық – аса құнды қасиеттер екеніне сенімдіміз, оны баламен бірге өз бойларыңызда да дамытуға болады, әрі біздің фестиваль осы үшін мүмкіндік береді. Күні бойы басты залдың үлкен сахнасында интерактивті шоу мен көрініс өтеді, ол сіздердің отбасыларыңызды ғылым мен технология әлеміне, таңғажайып жаңалықтар мен жаңа білім құшағына ала кетеді.

Біз сіздердің шынайы ғалымдар мен зерттеушілерді өз көздеріңізбен көріп, оларға сұрақтарыңызды қойып, тіпті, бірлесіп тәжірибе жасағандарыңызды қалаймыз. Сіздерге және балаларыңызға ғылымды жаңа қырынан тануға мүмкіндік беретін интерактивті көрініске толы таңғажайып зерттеулер жүргізіп, қызықты дәрістерді тыңдап, естен кетпес тәжірибе жинақтауды ұсынамыз.  

Сіздерді сабақ барысында шығармашылық және зерттеу алаңына жол ашатын педагогтермен, жаңалық табушылармен таныстырамыз. Олар білім алу қызықты әрі тиімді бола түсуі үшін ең озық ағартушылық технологияларды пайдаланады. Бізбен бірге сіздер интерактивті сабақтардың, тәжірибелердің, жасампаз жобалар мен бірегей тапсырмалардың тереңіен бойлайсыздар. 

Суретшілердің био-артты пайдаланып ғылымды қалай бейнелейтінін және тірілтетінін көрсетеміз. Бұл бағыт күрделі туындылардың эстетикасы мен сұлулығын, идеясы мен тұжырымдамасын тамашалап, тікелей мағынасында айтқанда, ғылымға қол тигізуге мүмкіндік береді. Сіздерді интерактивті қойылымдар мен Art&Science шеберлік-сабақтары күтеді.

Біздер балаларға өздерін тәжірибеші ретінде сезінуге мүмкіндік беретін аймақ жасадық. Оларға геймификация форматында робототехникамен, инженериямен және ғылыми шығармашылықпен айналысуға мүмкіндік беріңіздер. Ал ең белсенді қатысушылар «джоули» ұтып алып, оларды ақылды сыйлықтарға алмастыруға мүмкіндік алады.